Laurdag spelte Per-Egil Flo frå Stryn sin første offisielle kamp for den nye klubben Slavia Praha i Tsjekkia.
Heime mot Vysocina Jihlava vann Flo og lagkameratane 2-0 etter scoringar av klubben sin store spelar, Milan Skoda. Flo spelte heile kampen på venstreback.
- Det var ein grei første kamp for min del. Eg fekk ein kjempebra mottaking på stadion, det er ein av dei betre stadionanlegga eg har spelt på seier Flo til Fjordingen.
Slavia Praha ligg på andreplass i ligaen med 38 poeng, eitt poeng bak Viktoria Plzen. Byrival Sparta Praha ligg tre poeng bak Flo og co.
Komande helg møter Slavia Praha botnlaget Pribram på bortebane før serieleiar Viktoria Plzen kjem til Eden Arena i Praha. I følgje klubben vil den kampen vere utseld, noko som skulle bety 20.000 tilskodarar på tribuna.