Skal du kjøpa bruktbil og er oppteken av miljøet, kan du no lettare sjekka utslepp hos bruktbilar. (Foto: Erik Johansen / NTB scanpix / NPK)

Skal du kjøpa bruktbil og er oppteken av miljøet, kan du no lettare sjekka utslepp hos bruktbilar. Foto: Erik Johansen / NTB scanpix / NPK

Lettare å sjekke bruktbilar og utslepp

Takka vere ny informasjon på nettsidene til Statens vegvesen, kan du no lettare sjekka kor miljøvennleg eller forureinande ein bil er om du skal kjøpa bruktbil.

Dei nye utsleppsopplysningane er lagt inn på nettsida Kjøretøyopplysninger på vegvesen.no . Denne sida er den mest besøkte sida til vegvesen.no og har kvart døgn rundt 85.000 besøk.

– Vi viser CO2- og NOx-utslepp, miljøklasse og du kan sjå om ein dieselbil har partikkelfilter. For deg som er oppteken av miljøet kan dette vera nyttig informasjon å sjekka før du til dømes kjøper bruktbil, seier sjefingeniør Erik Sætre i Statens vegvesen.

Han peikar på eldre bilar kan mangla miljøinformasjon.

På sida kan du frå før sjekka når bilen sist har vore på EU-kontroll, kilometerstand og kor mange hestekrefter bilen har.

I tillegg har vegvesen no utvida tenesta med ei oversikt som viser toppfarten til eit køyretøy. Dette kan ha noko å seia når du skal kjøpa dekk til bilen, skriv Vegvesenet. (©NPK)

 

 

Meir å lese på Fjordingen:
Siste nyheter

y vår for familieklenodiet

Oldefar, bestefar og far har køyrt bobla frå  1967. No har fjerde generasjon - Rolf Martin Tunold (24) – fiksa på bilen i to vintrar for å få han tilbake til fordoms prakt.

– Det skjer altfor mange fallulykker

Arbeidstilsynet reagerer på at arbeidsgjevarar ikkje tek sikkerheita på alvor. No køyrer dei storaksjon for å betre forholda på norske byggjeplassar.