I fjor gjekk 29 prosent av investeringstilskota til personlege støttemottakarar frå Innovasjon Noreg til personar under 35 år. (Foto: Kyrre Lien / NTB scanpix / NPK (Illustrasjonsfoto))

I fjor gjekk 29 prosent av investeringstilskota til personlege støttemottakarar frå Innovasjon Noreg til personar under 35 år. Foto: Kyrre Lien / NTB scanpix / NPK (Illustrasjonsfoto)

Meir investeringsmidlar til unge bønder

I fjor gjekk 29 prosent av investeringstilskota til personlege støttemottakarar frå Innovasjon Noreg til personar under 35 år. Dette er ein auke på 3 prosent frå 2015, og ein markant auke frå 2010/11, då 19 prosent av tilskota gjekk til denne aldersgruppa.

– Investeringsverkemidlane er viktig for rekruttering til landbruket, både fordi unge investerer i større grad enn eldre og delvis fordi mange eldre som investerer gjer dette for å legge til rette for neste generasjon. Næringsutøvarar under 35 år er difor særskilt prioritert i delar av regelverket. I jordbruksmeldinga er dette foreslått forsterka, seier landbruks- og matminister Jon Georg Dale i ei pressemelding.

Gjennom jordbruksavtala blir det løyvd tilskotsmidlar til investering og bedriftsutvikling i landbruket. I 2017 er det avsett 574,5 millionar kroner til formålet. Innovasjon Noreg sin rapport for 2016 viser at det er stor etterspurnad etter midlane. Totalt vart det innvilga i overkant av 544,4 millionar kroner i støtte fordelt på 1.242 søknader. Investeringsverkemidlane skal både leggje til rette for modernisering og effektivisering i det tradisjonelle landbruket og for auka sysselsetting innan andre landbruksbaserte næringar.

84 prosent av pengane gjekk til investeringar i tradisjonelt landbruk, der investeringsprosjekt innan mjølk- og storfeproduksjon dominerer.

(©NPK)

 

 

Meir å lese på Fjordingen:
Siste nyheter

Nye framsyningar av utandørs-musikalen Årringar

– Nye grep, men gjenkjenneleg

Andre helga i august kan ein på nytt oppleve musikalen Årringar ved Sagedammen. Stykket er i all hovudsak det same, likeins aktørane som er med, men nye grep frå regissør og koreograf vil likevel gi kjensla av nytt for dei som har sett det før.

Satsar meir på utstilling og botanisk hage

Med både ny dagleg leiar og salgs- og marknadssjef, så er det spennande ting på gang ved nasjonalparksenteret.

Nye framsyningar av utandørs-musikalen Årringar

– Nye grep, men gjenkjenneleg

Andre helga i august kan ein på nytt oppleve musikalen Årringar ved Sagedammen. Stykket er i all hovudsak det same, likeins aktørane som er med, men nye grep frå regissør og koreograf vil likevel gi kjensla av nytt for dei som har sett det før.

Satsar meir på utstilling og botanisk hage

Med både ny dagleg leiar og salgs- og marknadssjef, så er det spennande ting på gang ved nasjonalparksenteret.

Hornindal og Markane skyttarlag

Følg olsokstemne

Olsokstemnet i skyting strekkjer seg over sju dagar, og det innmeldt over 200 skyttar frå alle kantar av landet.