Stryn kommunestyre vedtok tysdag samrøystes at 472.400 kroner skal gå til trafikktryggleikstiltak på kommunale vegar i form av autovern i 2017.
4,3 kilometer med autovern er montert i Stryn kommune dei siste ti åra, men behovslista pr. idag er likevel lang.
- Det kjem stadig inn forespurnadar om sikringstiltak frå brukarane av dei kommunale vegane. Også nokre tidlegare oppsette støypekantar har fått setningar/utsig, og er overmodne for rehabilitering/utskifting, heiter det frå saksutgreiiga.
Oppdatert og korrigert liste over stadar som skal etablerast med autovern i år er:
1: Frøyset: 313 meter
2: Nord-Markane: 494 meter
3: Nesje: 96 meter
4: Tistam: 54 meter
5: Hogane bustadfelt: 36 meter
6: Oppheimsvegen: 64 meter
Totalt skal 1.057 meter med autovern monterast i år.
I følge saksframlegget har følgande strekningar behov for autovern og er delvis kostnadsrekna:
1: Frøyset: Fleire strekningar inkl. ved bruer/klopper - 313 meter
2: Nord-Markane: Tre strekningar mellom Dale og Hatledal - 468 meter
3: Veg til Nygård på Blakset: Reetablering av havarert støypekant - 150 meter
4: Nesje: Sikring mot bekk - 60 meter
5: Tistam: Vegen lengst vest - 35 meter
6: Skarsteinvegen: Reetablering, på veg mot Gildestad / Heggestad - 110 meter.
7: Skarsteinvegen: Forlenging av rekkverk ved bru, begge sider nedstrøms - 50 meter
8: Rake / Oppheim: Rehabilitering eksisterande, samt nytt autovern lengst nede - 225 meter
9: Markane: Florebakkane (vidareføring av eksisterande støypekant) - 15 meter.
10: Hogane: bustadfelt (vegen Jøtulen ovanfor rekkehus) - 30 meter
11: Markane: Sør-markane v/Demma - 5 meter
12: Markane: Sør-markane v/Demma - 25 meter
13: Åning: Ikkje konkret mål, men ca ca 200 meter.