Også frå Grotli vert det rapportert om ei flott påske.
- Det har vore ei svært bra påske på Grotli. Både tilreisende, hotellgjester og hyttefolk har kosa seg. Vêret har vore bra og skiføret heilt magisk. Særleg Langfredag var det enormt med folk både i skiheisen og på skitur, fortel driftsansvarleg for skiheisen, Stein Are Bergheim.
Måndag kunne han melde at også siste feriedagen hadde skiheisen vore bra besøkt.
- Det er framleis flotte forhold og vi held ope eit par helgar til, seier Bergeim.
