Etter at butikkjeda Rema 1000 sin omstridde «bestevennstrategi» tredde i kraft ved nyttår, gjekk det hardt ut over ein del mindre leverandørar, deriblant Olden Brevatn AS som
heile arbeidsstokken sin til 50 prosent. Bedrifta har difor gått for halv maskin i vinter.
Men produksjonsbedrifta har fleire bein å stå på i sommarsesongen. Når Fjordingen er innom er alle åtte tilsette i drift med full produksjon av mineralvatn frå Blåfjellskjelda ved Jostedalen som skal sendast til ei adresse i Japan.
– Ein japansk kunde har bestilt 22.000 liter stillvatn. Oldenvatnet skal nyttast til koking av ris, fortel fabrikksjef Rune Rustøen.
At vassprodusenten mista hylleplass hos Rema 1000 var eit tilbakeslag, men den komande sommarvarmen betyr uansett auka etterspurnad. Før påske var bedrifta tilbake i full drift.
Han er optimistisk med tanke på at bedrifta skal få nye avtalar på plass, men Rustøen opplyser at han ikkje har noko med avtalane med butikkane å gjere. Det vert teken hand om sentralt for den Hansa Borg Bryggeri-eigde vassprodusenten.
– Eg berre syt for at vi får levert det som er bestilt, seier Rustøen.