Orsi frå Budapest i Ungarn var på plass allereie 5. april for å ordne til i suvenirbutikken. Orsi, som har ni sesongar bak seg i butikken, fortel at turistane kjøper alt mellom himmel og jord.
– Spesielt kjøleskapmagnetar og ostehøvlar er populært,men også troll går det mykje av.
– Synest turistane at det er dyre suvenirar?
– Nei, vi får veldig få klager på prisane, seier Orsi på klingande norsk.
Bak disken sit Antonia Karete Kongsvik. Ho seier at spanjolane likar best vikingeffektar, medan engelskmenn gjerne kjøper julekuler.
– Effektar med elg på kjøper alle, fortel Kongsvik.