Desse skal Stryn møte i 2. divisjon

Stryn sitt nyopprykka 2. divisjonslag i handball for herrar er plassert i avdeling 4 for komande sesong. For damelaget blir det fleire lokaloppgjer i 3. divisjon.

2. divisjon Leon Pavlovic og Stryn spelar komande sesong i 2. divisjon avdeling 4.  Foto: Thomas Thaule

3. divisjon Jenny Løvdal Stauri og Stryn sitt damelag kan sjå fram til fleire spennande lokaloppgjer komande sesong.  Foto: Stig Høynes

Nyhende

Seks lag frå Bergensområdet, fire frå Austlandet og eitt frå Møre og Romsdal i tillegg til Stryn utgjer avdeling 4 for herrar.

Laga i avdelinga er Stord Elite, FyllingenBergen 2, Bergen HK, Bjørnar, Bergen Vest, Kjøkkelvik, Bergsøy, Stryn, Kolbotn, Ski, Falk Horten 2 og St. Hallvard 2.

– Vi er fornøgde med oppsettet, det kunne vore langt verre. Vi slepp lange turar til Trøndelag og Rogaland, seier leiar i Stryn handball, Eli Kroken.

Fleire lokaloppgjer

Stryn sitt damelag spelar i komande sesong i 3. divisjon. Her er det duka for fleire interessante lokaloppgjer samt turar til Bergen. Laga i avdelinga er BSI, Dale, Florø, Fyllingen 2, Gloppen, Kjøkkelvik, NHHI, Stryn, Voss og Årstad.

– Det blir kjekt med fleire lokaloppgjer og kortare reiser. Forhåpentlegvis skal vi klare å kapre poeng i fleire kampar også. Målet er ei topp fem-plassering, seier Eli Kroken.