16-åringane Tamara Malesevic frå Stryn og Stella Birthe Poland frå Hornindal er to av 20 ungdomar frå Sogn og Fjordane som snart set kursen for UKM- festival i Sandnes.
Onsdag 21. juni reiser dei til tre dagar med arrangement frå tidleg morgon til sein kveld. Tamara deltek på utstillinga, medan Stella er med på sceneinnslag åleine og miksinnslag frå fylket.
Under UKM-festivalen i Høyanger plukka fagpanelet ut deltakarar til eit miksinnslag frå Sogn og Fjordane. Desse fire møttest for ei tid sidan og laga ei heilt ny låt saman, som dei skal delta med på festivalen. Det er første gong Sogn og Fjordane har med eit miksinnslag på den nasjonale festivalen.
I tillegg til å delta på sceneframsyningar og kunstutstilling, skal dei jobbe saman med ungdommar frå andre fylke i ulike verkstader to heile dagar.