Pumpelinja mellom Drageset pumpestasjon og reinseanlegget i Loen ligg djupt gjennom hagen ved Hotel Alexandra.
Ifølge saksframlegget skal det ha vore fleire reparasjonar på den hardt belasta pumpelinja. No er det nye skadar på linja og planen er å fornye ei røyrstrekning på omlag 190 meter.
Administrasjonen har ikkje fått noko konkret tilbod på røyrfornying, men har kostnadsrekna reparasjonen til kr 1.100.000,- eks. mva.
– Dette er arbeid som bør utførast før vinteren, skriv rådmannen som tilrådde kommunestyret fullmakt til å ta opp lån og godkjenne lånevilkår.
Forslaget vart samrøystes vedtatt.