Tre bygg på Vestlandet er nominert til "Glassprisen 2017".
Hoven Restaurant i Loen, Alnes Besøkssenter utanfor Ålesund og Lars Lerin-bygget i Bergen er tre av fem bygg som er nominerte til «Glassprisen 2017». Det er tidsskriftet Glass & Fasade og Glass og Fasadeforeningen som deler ut prisen.
Nominasjonskomiteen fekk inn 15 forslag, og fem prosjekt blei gitt til juryen for endeleg avgjerd. Føremålet er å fremje bruk av glas i norsk arkitektur på ein framifrå arkitektonisk eller teknisk måte, eller som kunstnerisk verkemiddel. Juryen legg òg vekt på om funksjonseigenskapane til glaset tilfører bygget eller konstruksjonen vesentlege fordelar.
Om restaurantbygget på Hoven skriv juryen følgjande:
"Restaurant med spektakulær beliggenhet og utsikt som fårsin fortjente oppmerksomhet gjennom fremragende arkitektur og medeksemplarisk bruk av glass. Restauranten med samme navn ligger påkanten av stupet, drøyt tusen meter over havet, og har enpanoramautsikt du knapt har sett maken til".
– Komiteen var relativt samstemte i utveljinga. No skal juryen treffe ei avgjerd, seier ein av jurymedlemmene, Hans Olav Meen Nilsen, i ei pressemelding. I tillegg til dei tre bygga på Vestlandet er òg Manshausen i Steigen og Mat- og merkevarehuset på Grünerløkka nominerte til prisen.
Utdelinga skjer 19. oktober.
(©NPK)