Eit polsk vogntog står fast etter å ha køyrd i grøfta på fv 60 ved Raftevold i indre Hornindal. Uhellet skjedde ved 15.30-tida tysdag ettermiddag. Endå eit vogntog var ute i grøfta på same staden om lag samtidig, men dette kom seg opp ved eiga hjelp.
Det er kaldt og normalt vinterføre på staden. Vogntoget som står fast står slik at det er passering på staden. Vogntoget var på veg retning Hellesylt og utforkøyringa skjedde rett etter bebyggelsen på Raftevold.
Dei to vogntoga som har vore i grøfta tysdag er nummer tre og fire som køyrer av vegen på fv 60 i indre Hornindal på få dagar.