Dalane kraftverk i Markane er i drift igjen etter oppgraderinga. Torsdag var det testkøyring av kraftverket.
– Kraftverket er i sving, og alt utstyr verkar som det skal, seier stasjonsmeister Paul Andreas Hatledal. Han fortel at alt har gått etter boka.
Skryt til Per Hatledal
Stasjonsmeisteren er snar med å gje skryt til Per Hatledal som har hatt arbeidet med å legge ny rørgate til kraftverket.
– Per har lagt ned ein formidabel innsats, og han har stått på heile døgnet for å få rørgata ferdig.
Les også: Skiftar ut 100 år gamal rørgate.
Ny rørgate, ny generator med ein kapasitet på 1,4 MW og anna arbeid har hatt ei kostnadsramme på om lag 15 millionar kroner.