Ein femdel av NRK-lyttarane borte på eitt år

På eitt år har delen nordmenn som lyttar til radio dagleg, falle med 10 prosent, ifølgje tal frå analysebyrået Kantar Media.

På eitt år har NRK mista 21 prosent av dei daglege lyttarane, viser tal som vart lagt fram i går. I Nordland, Møre og Romsdal og Trøndelag har kvar fjerde lyttar forsvunne frå statskanalen det siste året, skriv Klassekampen.

– Det er ikkje sikkert at vi har mista lyttarar, men vi har mista folk som lyttar kvar dag. Dersom du ser på kor mange som lyttar i løpet av veka, er nedgangen noko mindre, seier Jon Branæs, radiosjef i NRK.

Han legg til at kanalen har rekna ned denne utviklinga, medan P4-gruppa og Bauer Media har auka sine marknadsdelar i regionar der FM er sløkt.

– NRK har tatt ein for laget ved å slå av sine FM-signal først. Det har gitt dei kommersielle kanalane ein konkurransemessig fordel som vi skal prøve å utlikne i åra som kjem, seier Branæs.

Medietilsynet bestiller månadlege lyttarundersøkingar frå Kantar Media. Direktør Mari Velsand seier fallet har vore som forventa, og at det er venta at radiolyttinga stabiliserer seg i 2018 når radioskiftet er gjennomført.

(NPK)

Radio Stryn held fram med sendingar på FM-signal