Ordførar Sven Flo følte for å seie nokre ord etter at formannskapet var ferdig med sakslista onsdag.
- Det gjelder det som har skjedd i høve RTP (Regional Transportplan) der det har vore ei fantastisk uttelling for Stryn kommune. Det har vore eit stort engasjement rundt dette i både bygdeutviklingslag og i interessegrupper som har jobba lenge og målretta med desse prosjekta, fortalte Flo.
Han kunne oppsummere med mellom anna gjennomslag for tunnel til Flo og tunnel på Blakset.
Han fortalte om ein god dag som ordførar for Stryn då desse sakene vart behandla på fylkestinget.
- Eg må seie det var ein fantastisk opplevelse å vere i Leikanger då dette vart behandla. Eg vil gje all honnør til fylkestinget og til dykk som har jobba opp mot gruppene dykkar, sa Flo spesielt trakk fram tre personar.
- Sonja, du har vore ein av våre representantar på fylkestinget, tusen takk. Per, du har vore med i lang tid og har vore fødselshjelparen til ein del av desse prosjekta, spesielt i forhold til prosessen rundt Blakset-tunnellen. Eg vil og rette ein stor honnør til Jon Olav Kvamme (Krf) for den jobben han har gjort, sa Flo.
Møtet vart heva med veg-kake.