Volda sjukehus gjev raskast hjelp ved hjerneslag. Det vert slått fast i ei gransking gjort av avisa VG.
Det var onsdag granskinga vart presentert i avisa.
Gjennomsnittleg i landet får 42 prosent av dei som vart råka sjukehusbehandling innan fire timar etter dei fyrste symptoma.
Raskast i heile landet
I nedslagsområdet til Volda sjukehus vert det reagert raskast i heile landet.
Granskinga syner at 71,7 prosent av pasientane kjem under behandling innan fire timar etter symptomdebut, heiter det i VHG.
Dette er desidert best i landet.
Verst i Oslo
Vidare er det pasientar i nedslagsområda til sjukehusa i Vesterålen, Stavanger og Flekkefjord som kan håpe på raskast mogleg behandling.
Det står verst til i Oslo, Notodden, Kirkenes og Orkdal. I Orkdal er det berre 18,8 prosent av pasientane som kjem til behandling innan fire timar etter at symptoma vart oppdaga.