Etter omorganisering av politiet vil Sogn og Fjordane frå 1. mars bli delt inn i tre lensmannsdistrikt: Nordfjord-, Sunnfjord- og Sogn lensmannsdistrikt.
Det blir tre politikontor i Nordfjord, fem i Sogn og seks i Sunnfjord og totalt tre lensmenn i heile fylket.
Stryn er ein av stadane som mister lensmannsstillinga. Lensmann for heile Nordfjord lensmannsdistrikt blir Tormod Hvattum.
Der lensmannsstillinga går bort, blir stillinga erstatta med ei stilling som overbetjent.
- At Stryn mister lensmannsstillinga betyr at ein del sivilrettslege funksjonar og fremmedforvalting blir borte, seier fungerande lensmann i Stryn, Lasse Trosdahl.
- Har du døme på funksjonar eller tenester som forsvinner frå Stryn?
- Pass vil ikkje lenger bli utstedt i Stryn. Då må ein til Nordfjordeid. Dette er det sentrale føringar på, så det er færre som kan stede ut pass i heile landet frå hausten, seier Trosdahl.
Sjølve bemanninga i Stryn vil ikkje bli påvirka av omlegginga.
- Etter det eg kjenner til skal den operative beredskapen halde fram som i dag, seier Trosdahl.
Meir om omorganiseringa av politiet i fredagsavisa