Oddvin Myklebust seier at alt er i rute frå arrangøren, IL Veten, si side.
– Om lag 90 funksjonærar vil vere i sving, og programmet er klart. Unge, lokale hopparar vil få æra av å vere prøvehopparar.
Erfaren arrangør
IL Veten har god erfaring med større arrangement, mellom anna med Norgescup i både hopp og kombinert siste to åra, seier Myklebust. Bjørkelibakken var også NM-arena for seniorar tilbake i 1996.
Kombinert har tre øvingar på programmet, to individuelle og ein lagsprint. Hopparane skal i elden begge dagar.
Etter blomsterseremoni på arenaen blir det NM-bankett og premieutdeling på Stryn Hotel.
Oddvin Myklebust er rennleiar for hopparane, medan Odd Arne Bergset er rennleiar for kombinert.