Det var Fredrik Eirinsønn Villumstad frå Skimt Ski og Kollenhopp som sikra seg gullet i junior-NM hopp i Bjørkelibakken laurdag. Han låg på andreplass etter første omgang, men slo til med konkurransens lengste hopp på 97 meter i den andre omgangen, og vann med sju poengs margin til Espen Jacobsen frå Orkdal. Christian Røste Solberg frå IL Jardar og Kollenhopp vart bronsevinnar.
- Det er gøy å hoppe i ein bakke med gammal profil, smiler 18-åringen, som fekk sitt første bekjentskap med bakken denne helga.
- Det er kjekt å sleppe dei kjedelege profilane som er i alle nyare bakkar. Her kan ein ikkje tenke så mykje, ein må berre gjere, seier ein nøgd NM-vinnar.
Villumstad har lagt bak seg eit junior-VM der det vart gull i mix-konkurransen, bronsemedalje i lagkonkurransen og ein 11. plass individuelt.
Siger trass hender i bakken
Blant jentene var det førehandsfavoritten Anna Odine Strøm frå Alta IF og Kollenhopp som sigra med klar margin, og det trass i at ho måtte ned i med handa etter hoppet på 94 meter i andre omgang. Sølvet gjekk til Thea Sofie Kleven frå Gjerpenkollen og Ingebjørg Saglien Bråten frå Etnedal tok bronsen.