Markaneløparen Simon Hjelmeset Kirkeeide gjekk eit svært sterkt løp då han deltok i norgescupen i langrenn i nasjonalanlegget Holmenkollen fredag.

Hjelmeset Kirkeeide fekk ein fin-fin 8. plass mellom dei 177 startande i klasse gutar 18 år. Løpet gjekk over 10 km fristil. Han var 1.24 minutt bak vinnaren Iver Tildheim Andersen frå Rustad IL.

Ingen andre lokale løparar hevda seg i norgescuprennet, men vi kan nemne at Simon sitt søskenbarn, og son av Odd-Bjørn Hjelmeset, Lars Agnar Hjelmeset frå Gjelleråsen, tok ein sterk 4. plass i gutar 17 år. Han var eitt sekund bak tida til Simon.