Arrangørane av Stryn Rando 3000 søkjer Stryn kommune om dispensasjon frå lova om motorferdsel i utmark.
Arrangøren søkjer om å få nytte beltekøyretøy og trakkemaskin til transport av utstyr før løpet, til beredskap under arrangementet, transport av pressefolk og til opprydding etter løpet.
I tillegg søkjer arrangøren om eventuelt å få bruke helikopter til filming. Det vil då vere aktuelt med landingar i løypetraseen.
Sidan løpet blir gjennomført laurdag før palmesøndag søkjer Stryn Rando 3000 om utvida løyve til 9. april for å unngå motorferdsel i påskehøgtida, går det fram av søknaden signert rennleiar Erlend Folstad. Søknaden gjeld frå 16. mars til 9. april.