Kommunestyret vedtok i sist møte å stille garanti ovanfor NVE på distriktsandelen når det gjeld hastetiltak for Storelva i Utvik etter flaumen i fjor sommar. Stryn kommune må garantere for distriktsandelen på 10 prosent.

Førebelse kostnadsoverslag for hastetiltaka er på 13 millionar, og Stryn sin andel blir i så fall 1,3 million. Planen er å legge elva i ny trase, lenger aust. Dette betyr endra eigedomsforhold i området og kommunen har i denne samanheng inngått avtalar med grunneigarane som gjev eigarskap til ny elvegrunn og vedlikehaldsplikt.

Detaljplan er under utarbeiding av NVE og vil gje endeleg svar på løysingar.