Widerøe og KLM har inngått ein avtale om samarbeid. Dermed kan passasjerar fly med begge selskapa på same booking. Innanlands startar Widerøe også samarbeid med Norwegian.

Lokale passasjerar vil på denne måten få eit stort nasjonalt og internasjonalt nett av destinasjonar å velje mellom, og internasjonale turistar vil få mulegheit til å finne dei lokale destinasjonane når dei bestiller billettar hos KLM.

Samarbeidet vil lokalt i første omgang gjelde følgjande ruter:

•Bergen (BGO) - Tromsø (TOS), Bodø (BOO), Kristiansund (KSU), Molde (MOL), Ålesund (AES) og Florø (FRO)

•Oslo (OSL) – Florø(FRO), Ørsta/Volda (HOV), Leknes (LKN), Svolvær (SVJ), Stokmarknes (SKN), Mo i Rana (MQN)

Tilbodet kan bli utvida til andre ruter etter kvart.

KLM Royal Dutch Airlines er ein del av konsernet Air France-KLM, har destinasjonar 118 land og frakta i fjor 98 millionar passasjerar.