Raw Air nærmar seg klimaks, med skiflyging i Vikersund i helga. Fredag, laurdag og søndag står i skiflyginga sitt teikn. Då avsluttar Raw Air i mammutbakken i Vikersund.

Trass i at Anders Fannemel har slite med å få det til å stemme i hoppbakken har Idar Nygård i fanklubben klokketru på at Anders kan heve seg i Vikersundrenna.

– Vi har på ingen måte mista trua på Anders, vi har godt håp sjølv om han har vore i ein bølgedal. Dette ordnar seg når han kjem til Vikersund, seier Nygård skråsikkert.

Nygård opplyser vidare at om lag ti supporterar reiser saman nedover til Vikersund. I tillegg vil andre honndøler møte opp på fast plass i bakken.

Anders Fannemel sin fanklubb stiller trufast opp i Vikersund. Foto: Tadeusz Mieczynski