Det legemelde sjukefråværet i Sogn og Fjordane auka frå 4,8 prosent i 4. kvartal 2016 til 5,1 prosent i 4. kvartal 2017. På landsnivå har sjukefråværet auka frå 5,4 til 5,5 prosent.
Til tross for auken, er Sogn og Fjordane framleis mellom dei fylka som har lågast sjukefråvær. Berre Oslo med 4,5 prosent og Rogaland med 5,0 prosent er lågare.
– Nivået på sjukefråværet har vore stabilt dei siste åra og Sogn og Fjordane har framleis eit forholdsvis lågt sjukefråvær samanlikna med resten av landet, seier direktør for NAV Sogn og Fjordane, Tore Thorsnes.
Blant kvinner har sjukefråværet auka frå 5,9 prosent i 4. kvartal 2016 til 6,5 prosent i 4. kvartal 2017, medan det blant menn er uendra fråvær på 3,9 prosent.
Høgast innan helse og sosial
Sjukefråværet er høgast innan helse- og sosialtenester med 7,1 prosent, deretter kjem bergverksdrift og utvinning av olje og naturgass med 6,5 prosent.
Størst auke blant yngre
Personar i aldersgruppene 20-24 år og 45-49 år har størst auke i sjukefråværet (18 prosent og 10 prosent). Aldersgruppa 16-19 år har likevel størst nedgang i sjukefråværet med minus 15 prosent. Det er ein klar tendens at sjukefråværet er lågast i dei yngste aldersgruppene og høgast i dei eldste.
Størst auke i Balestrand
Balestrand, Askvoll og Leikanger er dei kommunane som har størst auke i sjukefråværet frå 4. kvartal 2016 (høvesvis 61, 35 og 18 prosent). Solund og Vik har størst nedgang, med høvesvis 33 og 31 prosent. Vågsøy har høgast sjukefråvær med 6,8 prosent. Deretter kjem Bremangar og Flora, begge med 6,1 prosent. Aurland og Gloppen har lågast sjukefråvær (3,6 prosent og 4,1 prosent). Endringane i den enkelte kommune frå kvartal til kvartal kan vere tilfeldige utslag og det er difor viktig å sjå sjukefråværsutvikling over tid og ikkje berre for eit einskild kvartal, seier Thorsnes.
Færre med gradert sjukemelding
Prosentdelen med gradert sjukemelding er redusert frå 25 til 24 prosent. På landsnivå er prosentdelen graderte uendra på 25 prosent. 28 prosent av kvinnene i Sogn og Fjordane har ein gradert sjukmelding, mot 19 prosent av mennene
| Legemeldt sjukefråvær i Sogn og Fjordane. Sjukefråværsprosent 4. kvartal 2016 og 4. kvartal 2017 | |||
| Prosent 4. kvartal 2016 | Prosent 4. kvartal 2017 | Endring frå 2016 til 2017 | |
| Sogn og Fjordane | 4,8 | 5,1 | 4,9 |
| 1401 Flora | 5,2 | 6,1 | 17,3 |
| 1411 Gulen | 5,2 | 5,2 | -0,3 |
| 1412 Solund | 6,4 | 4,3 | -33,3 |
| 1413 Hyllestad | 6,1 | 6,0 | -1,2 |
| 1416 Høyanger | 4,9 | 5,5 | 12,5 |
| 1417 Vik | 6,1 | 4,2 | -31,4 |
| 1418 Balestrand | 3,4 | 5,4 | 60,5 |
| 1419 Leikanger | 4,8 | 5,6 | 18,0 |
| 1420 Sogndal | 3,8 | 4,4 | 16,1 |
| 1421 Aurland | 3,7 | 3,6 | -4,3 |
| 1422 Lærdal | 4,5 | 4,8 | 8,2 |
| 1424 Årdal | 3,9 | 4,4 | 13,7 |
| 1426 Luster | 5,4 | 4,9 | -10,5 |
| 1428 Askvoll | 4,3 | 5,8 | 34,9 |
| 1429 Fjaler | 5,0 | 4,6 | -7,9 |
| 1430 Gaular | 5,3 | 5,2 | -1,0 |
| 1431 Jølster | 4,5 | 4,5 | -0,2 |
| 1432 Førde | 4,4 | 4,5 | 0,8 |
| 1433 Naustdal | 6,4 | 5,6 | -12,4 |
| 1438 Bremanger | 5,4 | 6,1 | 12,7 |
| 1439 Vågsøy | 5,9 | 6,8 | 15,5 |
| 1441 Selje | 5,3 | 4,3 | -18,1 |
| 1443 Eid | 4,9 | 4,9 | 1,5 |
| 1444 Hornindal | 4,2 | 4,5 | 8,5 |
| 1445 Gloppen | 4,1 | 4,1 | 0,8 |
| 1449 Stryn | 5,2 | 5,4 | 4,1 |
Legemeldt sjukefråvær i fylka. Sjukefråværsprosent 4. kvartal 2016 og 4. kvartal 2017
| 4. kvartal 2016 | 4. kvartal 2017 | Prosentvis endring | |
| Norge | 5,4 | 5,5 | 2,5 |
| Østfold | 6,2 | 6,3 | 1,5 |
| Akershus | 5,2 | 5,3 | 2,5 |
| Oslo | 4,5 | 4,5 | 1,8 |
| Hedmark | 5,7 | 5,9 | 3,6 |
| Oppland | 5,9 | 6,2 | 5,3 |
| Buskerud | 5,5 | 5,8 | 5,7 |
| Vestfold | 5,5 | 5,7 | 3,0 |
| Telemark | 5,8 | 6,0 | 2,2 |
| Aust-Agder | 5,6 | 5,8 | 3,9 |
| Vest-Agder | 5,4 | 5,7 | 5,9 |
| Rogaland | 4,8 | 5,0 | 4,4 |
| Hordaland | 5,6 | 5,6 | -0,3 |
| Sogn og Fj. | 4,8 | 5,1 | 4,9 |
| Møre og R. | 5,5 | 5,7 | 3,4 |
| Sør-Trønd. | 5,4 | 5,4 | -1,1 |
| Nord-Trøn. | 6,1 | 6,2 | 1,7 |
| Nordland | 6,2 | 6,3 | 1,6 |
| Troms | 6,0 | 6,2 | 3,2 |
| Finnmark | 6,1 | 6,4 | 4,9 |