Det vart dramatikk på stadion for Oskar Guddal Breivik (Markane IL) då han gjekk Young Star i Holmenkollen i helga. På Northug-flata, 200 meter før mål, braut eine staven tvert av. Då var det også for seint til å gje han ein ny.
Dermed rauk mest truleg ein plass på pallen, og det var ein tydeleg oppgitt 16-åring som gjekk i mål like bak nummer to og tre. Også i fjor braut Oskar ein stav i Young Star, då i Hellnerbakken.
– Slikt skjer. Vi får finne sterkare stavar til neste gong, sa pappa Torstein etter løpet.