Tradisjonen tru hadde Stryn Ping Pong Club sin årleg utdeling av pengegåver til lag og organisasjonar. I alt 150.000 kroner dryssa ut over glade mottakarar.
50.000 til Utvik
Utvik ungdomslag kan gle seg over heile 50.000 kroner til ballbinge i bygda. Stryn handball får 15.000 kroner til ballar og vestar. Barnehagebussen til Tonning barnehage får 10.000 kroner til solcelleanlegg.
Hogane vel får 10.000 kroner til restaurering av leikeplass, Hornindal ungdomslag Dølheim får 10.000 kroner til oppussing og varmepumpe.
Leikeplass og trenarkurs
Olden ungdomslag får 10.000 kroner til prosjektor, Stegane vel får 10.000 kroner til restaurering av leikeplass, Stryn musikklag får 10.000 kroner til stortromme, og Markane UL får 10.000 kroner til teknisk utstyr for scene. 7.500 kroner går til Flofjellvegen og skihytta for skilt og Stryn fotball får 7.500 kroner til trenarkurs for damer.
- Kjekt at dei tenkjer på oss
– Gubbanoa. Dette var veldig gledeleg og dette set vi veldig pris på, seier Aslaug Valaker, leiar for Utvik ungdomslag.
Ho seier karane i SPPC er kjempeflinke og skryter av alt dei får til.
– Kjekt at dei tenkjer på oss i utkanten også. Det må vi seie tusen takk for!