Skogstad Sport, den norske leverandøren av sports og fritidskle med hovudkontor i Innvik i Stryn kommune, blir offisiell sponsor for Ole Gunnar Solskjær sin fotballklubb Cardiff City.
Skogstad Sport er stolt av å meddele at dei er den nye offisielle samarbeidspartneren av utendørsbekledning til klubben. Skogstad er ein respektert leverandør av sports og fritidskle i Norge og er tilgjengeleg gjennom eigne butikkar, frittstående forhandlarar samt hos G-Sport, G-Max, Intersport, MX Sport, Sport 1, Stadion og COOP.
Med over 75 års erfaring er Skogstad ein veletablert og god likt leverandør med sine kvalitetsprodukt for heile familien. Skogstad starta sin eksport til Storbritannia i 2011 og har vakse raskt sidan den tid. Nyleg signerte dei ein avtale med John Lewis, ein av Storbritannias største forhandlarar.
For vidare å støtte deira aukande kjennskap og sal i Storbritannia, har Skogstad beslutta å sponse den velkjende fotballklubben Cardiff City. Nokre av elementa ved ved sponsoratet innbefattar markedsføring ved Cardiff City sin nye stadion. Dette inkluderer mellom anna logo bak Ole Gunnar Solskjær ved intervju før og etter kamp, promotering gjennom sosiale medier og kampanjar.
Ettersom Ole Gunnar Solskjær er kjend og respektert i Norge, og Cardiff City er ein familieorientert klubb, er dette eit samarbeid som er svært passande for Skogstad.
- Dette er ei utmerkt mulegheit for Skogstad og Cardiff City. Hovedgrunnen til avtalen er våre familieorienterte verdiar som står sterkt hos begge partar. Ole Gunnar Solskjær er heidra i Norge og vi er svært glade for mulegheita til å jobbe tett saman med han. Vi ser fram til samarbeidet og å halde trenaren, og forhåpentligvis supportarane, varme gjennom ein sesong med mykje fotballglede. Vi ser på det slik at dersom Ole Gunnar Solskjær er nummer ein på lista over eksport fra Norge til Storbritannia, er Skogstad ein god nummer to, seier dagleg leiar i Skogstad, Henning Skogstad.
Nic Heslop, Head of Commercial ved Cardiff City la til: «Vi er svært glade for å starte dette samarbeidet med Skogstad, ein av Norges leiande leverandør av utendørs bekledning. Dette er det første offisielle samarbeidet klubben har hatt med ei norsk bedrift, noko som understreker vår aukande internasjonale rekkevidde.
- Vi skal saman utvikle kampanjar som vil gagne våre fans og hjelpe kvarandre til vidare å heve profilen av merkevarene i våre heimland, seier Heslop.
Henning Skogstad ser fram til å engasjere supportarane til Cardiff og å fortsetje deira vellykka eksport i Storbritannia. Til Fjordingen legg han smilande til at Cardiff sjølvsagt er blitt favorittlaget.
