Måndag om ei god veke feirar Framtidsfylket at det er 10 år sidan trainee- ordninga vart starta opp. Det var adm. dir. i Sparebanken Sogn og Fjordane, Arvid Andenæs, som tok initiativ til ordninga i 2004, og som saman med bedriftene SFE, Domstein og Alexandra drog i gong rekrutteringa av kloke hovud til fylket.

Målsetjinga var å gjere det meir attraktivt for høgt utdanna å starte yrkeskarrieren i Sogn og Fjordane. Sidan den gong har omlag 100 traineear vore gjennom ordninga, og Framtidsfylket opplyser at nær 70 prosent av desse har blitt verande i fylket.