Fylkestingsgruppa til Høgre går inn for å redusere tal representantar på Fylkestinget.
Dette ønskjer partiet å gjere for at alle delar av drifta i fylkeskommunen skal ta sine kutt, samtidig som ein ønskjer å skjerme teneste-tilbodet mest mogleg. I tillegg går Høgre inn for å kutte partistøtta med ti prosent. Samtidig som ein kuttar i tal politikarar, partistøtte og godtgjersle, meiner Høgre at administrasjonen i fylkeskommunen må ta sin del av reduksjonen, heiter det i deler av ei pressemelding frå partiet.
Høgre meiner at med ein reduksjon til 23-25 representantar, vil ein framleis få ein akseptabel representasjon og breidde for å ha ei god folkevald styring.
Budjettsituasjonen i fylkeskommunen er sentral fram mot møta i hovudutvala tysdag.