Aksjonsleiar Kolbjørn Roset orienterte i går Stryn formannskap om planane for TV-innsamlingsaksjonen søndag. Han fortalde om stort engasjement.

Alle ruter har fått bøsseberarar, og folk er velvillige og ivrige etter å bidra.

Kunstnaren Magne Viggo Kristiansen har gjeve eit måleri som skal auksjonerast bort til inntekt for TV-aksjonen.

Bodrunden er godt i gang, og det er venta at fleire melder seg på no innspurten, opplyste aksjonsleiaren.

TV-aksjonen samlar i år inn pengar til Kirkens Nødhjelp, som skal bruke midlane til prosjekt for å skaffe reint vatn.