Telenor oppgraderer breibandsnettet i både Oldedalen og Olden.
- Telenor har oppgradert breibandutstyret og lagt fiber fram til sentralane i Olden og ved Oldenvatn. Det inneber at rundt 200 husstandar som er tilknytta sentralen kan få breibandsprodukt frå 20 Mbit/s til 50 Mbit/s på koparnettet, seier Arne Quist Christensen, leiar for modernisering i Telenor Norge.
Han fortel i ei pressemelding at det no blir gjort fleire løft i Stryn kommune, både på kopar- og fiberbaserte tenester. I første omgang vil kundane i Olden og Oldedalen merke dette, når begge sentralane der er ferdig modernisert.
- Sentralen i Olden blir ferdigstilt i desember. Sentralen som leverer breiband plassert ved Oldenvatn, skal vi ha ferdigstilt i februar neste år, seier han. I tillegg har Telenor eit større fiberutbyggingsprosjekt i samarbeid med Stryn kommune i Briksdalen.