Stryn sitt 2. divisjonslag i handball slit med skadar og sjukdom. I helga tapte dei to nye kampar, og står kun bokført med to poeng etter ni serierundar.
- Vi har mange spelarar ute på grunn av sjukdom og skade. Astrid (Tenden) med korsbandskade, Emilie (Vik) med fingerbrot, Benedicte (Storaker) med skulderskade, Lone (Vik) har kyssesjuka og Tischa (Ana Patricia Correia) har trakka over, fortel veteran på laget, Oddny Grete Njøten.
Men trass tap tykkjer Njøten at ungjentene som har trådd til i dei siste kampane har gjort ein god jobb.
-Eline (Nesdal) gjorde det veldig bra på laurdag mot Fyllingen, likeeins Guro Valheim og Ane- Marie Lødøen. Marthe Haugen og Ida Sønsterudbråten spelte veldig bra søndag, der Marthe hadde full uttelling på avslutningane sine.
Etter mange tøffe bortekampar gler Njøten seg til å spele på heimebane att.
- Vi har tre heimekampar på rad før jul, så då håpar vi at strynepublikumet kjem og støttar oss, avsluttar ho.