Mest truleg blir all legevakt å finne ved sjukehuset på Eid frå 2. februar neste år. Dette er i alle fall tilrådinga frå eit samrøystes helse- og sosialutval i Stryn.
I dag gjeld ordninga med Nordfjord legevakt frå 22.00 til 08.00 kvardagar, og heile døgnet i helgar og på høgtidsdagar. Med ny ordning vil legevakta på Eid ta imot alt som skjer etter arbeidstid, kl 15.30.
Nye kompetansekrav og ny tariffavtale er mellom anna bakgrunnen for vedtaket.