Med same tilråding som kollegaen i Stryn

Rådmann Ann Kristin Langeland si tilråding til Hornindal formannskap er identisk med den som kollega Per Kristian Storevik fekk tilslutning til i Stryn formannskap. Det vil seie at heller ikkje rådmannen i Hornindal ønskjer at kommunen skal bruke ressursar på å greie ut alternativet med storkommune i Nordfjord.

Rådmannen i Hornindal går inn for at dei utgreier fylgjande åtte modellar:

A. Dagens situasjon - 0-alternativet.

B. Samanslåing Hornindal og Stryn.

C. Samanslåing Hornindal, Stryn og Stranda.

D. Samanslåing Hornindal, Stryn, Stranda og Norddal.

E. Samanslåing Hornindal, Stryn, Ørsta og Volda.

F. Samanslåing, Hornindal, Stryn og Gloppen.

G. Samanslåing Hornindal, Stryn og Eid.

H. Samanslåing Hornindal, Stryn, Eid og Gloppen.

Hornindal formannnskap handsamar saka måndag. Kommunestyre i Stryn og Hornindal fattar endeleg vedtak på møta som går samstundes  torsdag 29. januar.