Søndag 1. mars fekk 760.000 innbyggjarar i til saman 67 nye kommunar på Vestlandet oppretta eigne kjernejournalar. Totalt har no nærare 1,5 millionar nordmenn fått kjernejournal, opplyser Helse Vest på sine nettsider.
Kva er kjernejournal?Kjernejournal samlar viktige helseopplysingar som både du og helsepersonell har tilgang til. 1. mars blei kjernejournal automatisk oppretta for alle med folkeregistrert adresse i kommunane på Vestlandet, dersom ein ikkje har reservert seg.
Opplysingar frå Folkeregisteret, om legemidlar og sjukehusbesøk blir samla og lagt inn automatisk i Kjernejournalen. Via helsenorge.no kan alle legge inn ein del opplysingar i sin kjernejournal, blant anna om kontaktpersonar, kommunikasjonsbehov og sjukdomshistorie. Kritisk informasjon, om for eksempel alvorlege allergiar og sjukdommar, blir lagt inn av lege i samråd med pasienten.
- Kjernejournal er viktig for både ei betre samhandling mellom ulike deler av helsetenesta og mellom innbyggjarar og helsesektoren. Den vil vere særleg nyttig i akutte situasjonar, seier avdelingsdirektør Rune Røren i Helsedirektoratet.
Kvar finn eg min kjernejournal?
På helsenorge.no får du tilgang til opplysingane i din eigen kjernejournal ved å logge deg på med din elektroniske ID. Her kan de sjå informasjon som er lagra om seg sjølv og legge inn opplysingar.