Årboka for Sogn og Fjordane 2014 er nett komen ut av trykkeriet. Det er 22. året på rad at boka kjem ut, dei siste sju åra på Selja Forlag. Tidlegare var det Alden Forlag som hadde prosjektet. Redaktør er Torbjørn Rørvik.

- Boka er ei kavalkade i tekst og bilete over små og store hendingar i fylket vårt månad for månad. Bidragsytarar er åtte lokalaviser. I  tillegg kjem NRK Sogn og Fjordane, Bergens Tidende og Sunnmørsposten, seier forleggjar og dagleg leiar av Selja Forlag, Torkjell Djupedal.

På dei siste 70 sidene i boka finn vi faktabolkar og statistikkar innan ulike  tema og eit namneregister med ca. 1000 namn som omfattar alle personnamn i boka. Årboka er trykt i 1.800 eksemplar og går til abbonentar og butikkar. Dei største hendingane som er omtalt i året vi har bak oss er nok brannen i Lærdal og flaumen i fjor haust, seier Djupedal.