Det kalde pinseveret førte til at snøen kraup langt ned i låglandet i indre Nordfjord i går. Mange vakna til nysnø på grønt gras.
Snøen skapte problem med glatte vegar for bilistar som skulle over fjellovergangar med sommardekk. Fleire melde ifrå om svært vanskelege forhold med snøver over Utvikfjellet i går.
Fv. 63 Geiranger-Langevatn vart stengt på grunn av dei utfordrande vertilhøva. Statens vegvesen melder at vegstrekninga kan bli stengt att på kort varsel.
I følgje vervarselet er det meldt om låge temperaturar om natta og morgonen resten av helga, og det kan bli meir nedbør i form av snø søndag.