I dag opnar ungdomar i Fjellrosa 4H sommarkafe og handverksmesse i Rand grendahus.
– Vi opnar dørene søndag 5. juli og held ope til 2. august, seier leiar i styret for kafeen, Isak Hopland. Sjøkanten kafe og handverksmessa har blitt ein lang tradisjon i bygda. Kafeen vert driven av om lag 20 ivrige ungdomar med god hjelp frå foreldre og bygdefolk. Handverksmessa samlar flotte kvalitetsprodukt frå mange lokale produsentar.
– Å jobbe på kafeen er ein kjekk og lærerik arbeidsplass for alle, og ei god erfaring å ha med vidare i livet, understrekar Isak Hopland som har vore med i mange år. Ungdomane står sjølve for betjening av kasse, steiking av sveler, kakebaking, vasking og anna som høyrer kafedrift til. Ein dag i veka blir det også servering av middag.