Det vart ei storstilt opning av den historiske vandrevegen over Kamperhamrane mellom Stryn og Skjåk på Sunndalssetra fredag ettermiddag. Det var fleire taler, musikk ved Arne Sølvberg og avduking av skilt.
Mange hadde møtt fram for å få med seg dette på Sunndalssetra, og fleire av grunneigarane stilte med opne sel og nykokt kaffi. Det var fine ord frå ordførarane i begge kommunane, riksantikvaren, DNT, grunneigarar og Reisemål Stryn & Nordfjord.