Dønfoss Camping i Skjåk er kåra til Norges campingfavoritt 2015.

Kåringa er gjort av Gule Sider gjennom deira nettside mincampingfavoritt.no. Her har norske campinggjester gjeve meir enn 24 000 stemmer til sine favoritt campingplassar.

Dønfoss Camping ligg langs riksveg 15 rett ved sidan av Dønfossen, og er ein campingplass som er mykje brukt av nordfjordingar.

I kommentarfeltet til Dønfoss Camping kjem det fram at den flotte plasseringa, tilgangen til naturen, hyggelege personale og at det er reint og fint er det folk set mest pris på. Dette opplyser Gule Sider om i ei pressemelding.