Næringsminister Monica Mæland var på besøk til blant anna Ekornes Grodås i går ettermiddag.
Fabrikksjef Knut Ove Rygg hadde førebudd seg godt då han orienterte næringsministeren om Ekornes-fabrikken i Hornindal og om utfordringane til Ekornes-konsernet generelt. Mæland var tydeleg imponert over bedrifta, og ho synte stor interesse for arbeidarane som var på jobb og viste kva dei heldt på med.
Ho var storleg forundra over kva robotane kan utføre. Ein av programmerarane, Elias Ngare Kabiru, fekk forklare kva ansvar han har når robotane skal setjast i arbeid.
Lærling Martin Sørensen Jore (20 år) skrytte av bedrifta.
–Eg trivst kjempegodt, sa han til næringsministeren.
Med i følgjet var ordførarkandidat for Høgre i Hornindal, Stig Olav Lødemel, 1.kandidat til fylkestinget for Høgre, Noralv Distad, stortingsmann Bjørn Lødemel og nr. 4. på Høgre-lista til fylket, Sonja Øvre-Flo frå Stryn, saman med fylkessekretær Ingvar Torsvik Myrvollen (H).
