Skjåk kommunestyre har i siste møte vedteke å løyve inntil kr. 150.000.- til Idar Aaboen og Stryn Sommarskisenter i samband med etableringa og utbetringa av anlegget.
Stryn formannskap har tidlegare løyvd det same. Dermed fekk Idar Aaboen dekka inn 25 % av kostnadsoverslaget. Opphaveleg søkte han om kr. 270.000.- frå kvar av kommunane.
Medan Stryn har nytta disposisjonsfondet, har Skjåk teke midlane frå næringsfondet. Saka var første gongen oppe i formannskapet i Skjåk 12. februar og utsett etter at rådmannen hadde innstilt på ei løyving på kr. 301.250.- (25 % av kostnadsoverslaget).
I formannskapet 29. april vart saka lagt fram for kommunestyret same dag utan tilråding. I kommunestyret vart søknaden avslått med 12 mot 8 røyster med den grunngjevinga at verksemda ikkje låg i Skjåk kommune og at løyvinga difor var i strid med vedtektene for næringsfondet. Seinare vart det gjort klart at det ikkje fanst midlar til å finansiere over drifta.
I kommunestyremøtet 28. mai fekk rådmannen i Skjåk i oppdrag å fremje saka på nytt. Løyvinga på møtet 27. august på inntil kr. 150.000.- var i tråd med den nye innstillinga frå rådmannen.