Endret: 27.08.2010 kl. 14:49
Det er ein Oslo-mann i 60-åra som har fått denne domen i Fjordane tingrett. Laurdag 20. juni i fjor kom mannen til Olden og tok inn på ei campinghytte der. Litt etter klokka 23 om kvelden sette han seg i bilen og køyrde i retning Innvik. Køyreturen enda i ei trafikkulukke ved Ugla. Etter ført å ha vore i grøfta på venstre side av vegen, blei bilen liggjande på sida med førarsida ned mot vegbana.
I domen blir det lagt til grunn at bilisten var påverka av alkohol med 2,20 i promille då køyringa fann stad. Vedkomande er tidlegare dømt for promillekøyring tre gonger. Men det ligg langt tilbake i tid. Siste domfelling skjedde i 1977. Promilleturen i fjor sommar resulterte i ein dom der fengselsstraffa på 36 dagar vert utsett med ei prøvetid på to år. Bota på 10.000 kroner er vilkårslaus. Og etter å ha vore utan førarkort i tre år må Oslo-mannen avleggje ny full prøve for å få att retten til å føre motorvogn.
