Briksdalsbreen vaks åtte meter

Professor Atle Nesje gjennomførte laurdag dei årlege målingane av Briksdalsbreen. - Brefronten har gått fram åtte meter, opplyser Nesje til Fjordingen.
(Foto: Bengt Flaten)

Foto: Bengt Flaten

- Årsaka til veksten er overskot av ismassar oppe på Jostedalsbreen som skriv seg frå 2007 og 2008. I sommar har det rasa ganske mykje i brefallet. Det er grunnen til at fronten no går åtte meter lenger fram enn på same tid i fjor, forklarar Atle Nesje.

- Synsinntrykket er at Briksdalsbreen har minka i år?

- Det skuldast at breen er veldig smal på det smalaste. Men lenger oppe er han ganske brei. Det som blir spennande å sjå, er om breen vil gå av på midten.

At Briksdalsbreen no viser framgang, gjev ifølge professor Nesje berre kortvarig glede.

- Vi snakkar om tidsforskyving på tre-fire år i forhold til det som skjer oppe på Jostedalsbreen. At vi har bak oss ein vinter med svært lite snø i fjellet og sommartemperaturar 2,5 til 3 grader over gjennomsnittet, skaper relativt dystre utsikter når vi ser fram mot 2013, slår han fast.

Frontmålingane i fjor synte at Briksdalsbreen aldri hadde vore mindre sidan registreringane starta i 1900. Sjølv om årets målingar viser auke på åtte meter, er det eit faktum at brefronten har trekt seg attende heile 863 meter frå førre århundreskifte. Berre sidan 1996 er det snakk om tilbakegang på 479 meter.

Meir å lese på Fjordingen:
Siste nyheter

Nye framsyningar av utandørs-musikalen Årringar

– Nye grep, men gjenkjenneleg

Andre helga i august kan ein på nytt oppleve musikalen Årringar ved Sagedammen. Stykket er i all hovudsak det same, likeins aktørane som er med, men nye grep frå regissør og koreograf vil likevel gi kjensla av nytt for dei som har sett det før.

Satsar meir på utstilling og botanisk hage

Med både ny dagleg leiar og salgs- og marknadssjef, så er det spennande ting på gang ved nasjonalparksenteret.

Nye framsyningar av utandørs-musikalen Årringar

– Nye grep, men gjenkjenneleg

Andre helga i august kan ein på nytt oppleve musikalen Årringar ved Sagedammen. Stykket er i all hovudsak det same, likeins aktørane som er med, men nye grep frå regissør og koreograf vil likevel gi kjensla av nytt for dei som har sett det før.

Satsar meir på utstilling og botanisk hage

Med både ny dagleg leiar og salgs- og marknadssjef, så er det spennande ting på gang ved nasjonalparksenteret.

Hornindal og Markane skyttarlag

Følg olsokstemne

Olsokstemnet i skyting strekkjer seg over sju dagar, og det innmeldt over 200 skyttar frå alle kantar av landet.