Hovudkomiteen i Markane IL for Hovedlandsrennet 2014 på Ullsheim og Fjelli er i gong med planlegginga. Dette er eit kjempearrangement for 15- og 16-åringar med konkurransar i langrenn, hopp, kombinert og skicross. På Savalen i vinter deltok omlag 1.000.
Markane IL står som arrangør for heile meisterskapen. Det vil seie at tenester vert kjøpt inn frå Veten IL for å kunne avvikle hopp og kombinert.
-Skicross er nytt for oss, men vi får god oppfølgjing frå Skiforbundet. Allereie komande onsdag får vi besøk frå forbundet der fleire ting vert drøfta, seier leiar i hovudkomiteen, Inge Fænn.
Hovedlandsrennet skal arrangerast i tida 28. februar til 2. mars neste år.