Vest Buss har levert i alt 22 bussar til Gauldal Østerdal Billag, som har vunne anbod i Ottadalen.

- Vi har levert 20 stk Iveco Crossway, store bussar og 2 stk Iveco 70 C midibussar som skal køyre på Otta. Trafikken i Ottadalen starta 1. januar, seier administrerande direktør i Vest Buss Gruppen AS, Per Dag Nedreberg.

Vest Buss har også levert 48 bussar til Tide Buss AS i Kristiansund og omegn. Trafikkoppstart for desse var i går.

- Vi har hatt folk frå Stryn som har gjennomført sjåførkurs og opplæring begge plassar før oppstart. Kim Rune Flo har gjennomført kurs på Otta. Han har også følgt opp oppstarten saman med Lars Dybevold og Knut Roar Skåden. Jan Rune Loen har køyrt kurs i Kristiansund. Både han og Odd Gunnar Tunold har vore i Kristiansund for å førebu oppstart i heile helga og i går. I Kristiansund har også Jens Helgheim deltatt fra Vest Buss i oppstarten.Tilbakemeldingane går på at det har vore ein vellukka start begge plassar, seier Nedreberg.