Det er ikkje berre skisentera i låglandet som slit med snømangel. Situasjonen er den same for sommarskisenteret på Tystigen.
- Vi har aldri hatt ein så snøfattig vinter der oppe. Allereie no er det klart at bretrekket ikkje kan setjast i drift. Korvidt vi skal starte opp med kun stolheis,vert avgjort i løpet av ei veke ellerto, opplyser styreleiar Ola Flo til Fjordingen.
Folk som nyleg var inne i området,kunne rapportere om ekstremt lite snø. Og den som ligg der, er svært laus.
- Håpet er at vi får såpass mildver at snøen set seg, seier Ola Flo og legg til:
- Frå aksjonærane si side er det sværtønskjeleg å ha drift på sommarskisenteret. Men spørsmålet blir om det er nokon vits dersom snøforholdatilseier at vi berre kan halde ope nokre få veker. Men som sagt; dette bliravklara i løpet av kort tid. Rigging av stolheisen tek ein dag eller to.