I etterkant av Nakkjen Ned presenterte Tor Åge Berglid planane om eit 850 meter langt skitrekk ved Nordfjord Fritidssenter.

- Ved å forlenge det planlagde trekket som skal ta hopparane til toppen av Bjørkelibakken, får vi mulegheit til å etablere eit  berekraftig anlegg, seier Tor Åge Bergid til Fjordigen.

- Kor store investeringar er det snakk om?

- Totalt ca 6 millionar. Vi får då eit 850 meter langt skitrekk med 250 meters høgdeskilnad,  FIS-godkjende nedfartsløyper og det som elles må på plass. Ei slik utbygigng vil  gje store ringverknader, t.d. for hytteturismen.

- Kor reallistisk er prosjektet?

- Den store bøygen er regelen om at det ikkje vert løyvd spelemidlar til skitrekk på over 100 høgdemeter. Dette er etter mitt syn heilt meiningslaust og må endrast når noverande planperiiode går ut i 2017. Eg er elles av den oppfatning at når det allereie er utført dugnadsinnsats for 30 millionar kroner på anlegget her ute, så må det la seg gjere å skaffe 6 millionar kroner.

- Men det er vel eit faktum at vi har for  mange skitrekk?

- Dersom det hadde vore eit skitrekk knytta til Nordfjord Fritidssenter, ville vi ha hatt ope i heile vinter. At andre anlegg slit med snømangel, kan ikkje brukast imot våre planar. Mitt utgangspunkt er at trafikk avlar trafikk. Eit skitrekk ved Nordfjord Fritidssenter vil vere til gode for heile distriktet, hevdar  Tor Åge Berglid.