Det seier Are Bergheim ved Grotli Høgfjellshotell. Og då siktar han særleg til aktiviteten som var rundt hotellet langfredag. Då var det fullt av folk både i skitrekket og i fjellet elles.
- Det var reinaste Karl Johan opp til Skridulaupen den dagen, er karakteristikken frå Bergheim.
Men også 1. påskedag var det byrja å sige på godt med folk då Fjordingen vitja Grotli.
- Påskedag kan bli litt anten eller. Det er gjerne ein dag folk reiser heim frå ferien, men med slikt vær så velger nok mange å bli ein dag ekstra -ja, kanskje blir det bra i morgon også med dei flotte meldingane som er, seier Bergeheim.
Han merkar elles godt at påskevanane til folk har endra seg mykje opp gjennom.
- Det er noko heilt anna no. Før bestilte folk opphald ved hotellet i minimum sju dagar, og ofte opp i ni og ti. Medan no er det fleire og fleire som spør etter ein- eller todagars opphald. No står kanskje valget mellom New York eller Grotli, og så er det langtidsvarselet som bestemmer kvar ein reiser, seier Bergheim.
Langtidsvarselet for Strynefjellet burde i alle fall tale for godt besøk siste del av påska i år.